Больш за ўсіх на выбарчую кампанию атрымаў кандыдат Лукашэнка - 1,3 млрд рублёў

Цэнтрвыбаркам абнавіў інфармацыю аб суме сродкаў, што паступілі на рахункі выбарчых фондаў кандыдатаў у прэзідэнты.

Больш за ўсё грошай прыйшло ў фонд Аляксандра Лукашэнкі - больш за 1,3 млрд рублёў, з якіх патрачана каля 28,3 млн. У фонд Сяргея Гайдукевіча прыйшло 35,1 млн рублёў, з якіх амаль 30 млн было патрачана. 

На рахунак Мікалая Улаховіча пералічылі роўна 30 млн рублёў, і ён выдаткаваў амаль усе грошы на патрэбы выбарчай кампаніі. Самая маленькая сума - у фондзе Таццяны Караткевіч: усяго 8,7 млн, з якіх было патрачана амаль 3 млн рублёў, паведамляе "Еўрарадыё".

Крыніцамі стварэння асабістага фонду кандыдата ў прэзідэнты з'яўляюцца яго ўласныя грашовыя сродкі, прычым іх гранічны памер не можа перавышаць 9 тыс. базавых велічынь.

Папаўняцца фонд таксама можа добраахвотнымі ахвяраваннямі грамадзян Беларусі (памер кожнага з іх не можа перавышаць 20 базавых велечынь) і добраахвотнымі ахвяраваннямі юрыдычных асоб (не больш за 50 базавых велічынь).