Лятучы ўніверсітэт: «Адвечным шляхам» Ігната Абдзіраловіча — у фармаце аўдыёкнігі

Университет и образование

Падпісвайцеся на нашыя Telegram-каналы: Distant: Лятучы ўніверсітэт і «Думаць Беларусь»!

Лятучы ўніверсітэт прадстаўляе аўдыёверсію філасофскага эсэ «Адвечным шляхам», напісананага Ігнатам Канчэўскім пад псеўданімам «Абдзіраловіч» у 1921 годзе ў Вільні.

Эсэ раскрывае драматызм гістарычнага лёсу беларусаў, іх неадольнае імкненне захаваць незалежнасць свайго духу.

Эсэ лічыцца першым філасофскім творам найноўшай гісторыі Беларусі. Яно вядомае па ўвядзенні канцэпту «ліючаяся форма».

«Гісторыя вызначыла гэтай кнізе адмысловы лёс — быць прачытанаю ў наступным, XXI стагоддзі. Магчыма, гэта першая беларуская кніга, якая ўжо ТАМ. Там, дзе традыцыя літаратурна-філасофскага плачу па згубленай мове, волі-долі і Бацькаўшчыне непазбежна зменіцца сцвярджальнай ідэяй тварэння новае Беларусі. Дзе будзе зразуметая рацыянальная прырода дабра. Дзе запануе філасофія свабоды, асноўныя прынцыпы якой і сфармуляваў па-беларуску Ігнат Абдзіраловіч», — кажа літаратар Сяргей Дубавец.

Твор чытаюць: заслужаная артыстка Беларусі Людміла Сідаркевіч і тэатральны рэжысёр Аляксандр Марчанка.

Плэйліст змяшчае аўдыёверсію твора цалкам і па асобных частках:

Падпісвайцеся на нашыя Telegram-каналы: Distant: Лятучы ўніверсітэт і «Думаць Беларусь»!