Абвешчаны конкурс на пасаду каардынатара праекта "Дом узаемаразумення" ў Беларусі

Ініцыятыва "Дом узаемаразумення" (Clearing House) - частка праекта Belarus-EU Task Force Офіса за дэмакратычную Беларусь (Брусэль), распрацаваная ў партнёрстве з Міжнародным кансорцыумам "ЕЎРАБЕЛАРУСЬ", Forum Syd (Швецыя) і PACT і падтрыманая Еўрапейскай камісіяй. Ініцыятыва накіравана на ўмацаванне патэнцыялу беларускіх НДА, паглыбленне іх супрацоўніцтва з ЕС і яго дзяржавамі-сябрамі, а таксама на паляпшэнне каардынацыі паміж беларускімі арганізацыямі грамадзянскай супольнасці, Еўрасаюзам, еўрапейскімі донарамі і міжнароднымі імплементарамі.

Асноўныя абавязкі

Пад кіраўніцтвам мэнеджэра праекта ў Бруселі, каардынатар у Беларусі будзе адказваць за рэалізацыю праекта "Дом узаемаразумення" на мясцовым узроўні.

Каардынатар ў Мінску будзе:

• каардынаваць пасяджэнні пастаяннай Працоўнай групы ў Беларусі і падтрымліваць сувязь з удзельнікамі праекта;

• кіраваць арганізацыяй усіх мерапрыемстваў у Беларусі (сустрэчаў Працоўнай групы і трэнінгаў);

• падрыхтоўваць, у кансультацыі з усімі партнёрамі, дэлегацыі з Беларусі да ўдзелу ў каардынацыйных сустрэчах у Бруселі;

• рыхтаваць інфармацыйныя нататкі па выніках сустрэч Працоўнай групы ў Беларусі і распаўсюджваць іх сярод партнёраў;

• каардынаваць стварэнне і абнаўляць базу дадзеных беларускіх НДА і распаўсюджваць інфармацыю пра яе праз вэб-сайты арганізацый-партнёраў.
  

Неабходная кваліфікацыя і досвед:

• навыкі планавання, маніторынга і ацэнкі;

• больш за тры гады досведу працы ў галіне кіравання праектамі НДА (у тым ліку праектамі, што ажыццяўляюцца з падтрымкай Еўрапейскай камісіі);

• добрыя веды пра грамадзянскую супольнасць  Беларусі;

• разуменне сітуацыі ў Беларусі і кантэксту еўрапейска-беларускіх адносін;

• добрыя аналітычныя і камунікатыўныя навыкі;

• добрыя навыкі міжасабовых зносін і досвед кіравання камандай;

• базавая фінансавая граматнасць;

• добрае валоданне ангельскай і беларускай мовамі.
  

Працэдура заяўкі

Заяўка павінна ўключаць:

1. Суправаджальны ліст з ясным выкладаннем матывацыі і прычын, па якіх кандыдат задавальняе патрабаванням вакансіі.
2. Падрабязнае рэзюмэ.

Заяўкі трэба дасылаць да 5 кастрычніка 2011 года на электронны адрас: [email protected]