Швэдзкія праваабаронцы з Ostgruppen у падтрымку Тацяны Шапуцькі

Як гаворыцца ў заяве швэдзкіх праваабаронцаў, прычынай адлічэньня студэнткі зьяўляецца яе ўдзел у Форуме прадстаўнікоў грамадзянскай супольнасьці, які прайшоў у Брусэлі 16-17 лістапада ў рамках праграмы ЭЗ "Усходняе партнэрства". Паколькі міністар замежных спраў Швэцыі, якая цяпер старшынюе ў ЭЗ, належыць да гэтак званага прымаючага боку, ён мусіць "рашуча адрэагаваць на інцыдэнт і патрабаваць вяртаньня Тацяны Шапуцькі да вучобы".

Марцін Угла

"Шапуцька была пакараная за сваю прыхільнасьць да дэмакратыі, - перакананы кіраўнік Östgruppen Марцін Угла. Карл Більдт, а таксама швэдзкі урад, як цяперашні кіраўнік у ЭЗ і ініцыятар "Усходняга партнэрства" нясуць асаблівую адказнасьць за адсочваньне дзейнасьці беларускіх уладаў".

Паводле Марціна Углы, "адлічэньне Шапуцькі з шэрагаў студэнтаў зьяўляецца відавочным ігнараваньнем з боку Менску заклікаў ЭЗ аб павазе да правоў чалавека. Гэта таксама ёсьць доказам, што беларускі рэжым ня хоча дэмакратызаваць краіну".

Cпасылка