Літоўская прэс-фатаграфія ў двух кінатэатрах і адным аўтацэнтры

Сёньня ў Менску пры падтрымцы амбасады Літоўскай Рэспублікі адкрылася выстава «Літоўская прэс-фатаграфія». На ёй прадстаўленыя найлепшыя працы прэс-фатографаў Літвы, пераможцаў прафэсійнага конкурсу 2008 года. Такі конкурс праводзіцца ўжо 8 гадоў запар, звычайна выстава з найлепшых твораў вандруе спачатку па гарадах Літвы, потым — па Заходняй Эўропе. І вось сёлета упершыню яна прывезена ў Беларусь.Сябра праўленьня клюбу прэс-фатаграфаў Літвы Ўладзімірас Івановас распавёў, што ў Літве ўжо 8 гадоў запар праводзіцца прафэсійны конкурс. У складзе журы — 5 чалавек, тры літоўцы і два замежнікі. Штогод выдаецца каталёг з працамі пераможцаў конкурсу, куды ўваходзіць прыкладна па 150 фатаграфій:

«За 8 гадоў вельмі моцна ўзьняўся ўзровень рэгіянальнай прэсы. Спачатку людзі з рэгіёнаў дасылалі свае працы і былі вельмі пакрыўджаныя, што не праходзілі іх працы. На сёмы-восьмы год быў прарыў. Раней звычайна ў нас сталічныя фатографы перамагалі: Рамунас Дэнісявічус, іншыя майстры. І вось празь некалькі гадоў прыгожай карпатлівай працы — і кожны фатограф стаў думаць, цікава здымаць і імкнуцца трапіць у каталёг».

Кіраўнік беларускага фотапарталу «ZНЯТА» Сяргей Міхаленка — адзін з арганізатараў выставы ў Менску:

«Выстава гэта вялікая, і яна разьбіта на тры часткі. Тут, у кінатэатры «Цэнтральны», вы бачыце толькі траціну ўсяго праекту, другая частка дэманструецца ў «Цэнтры-відэа», што ў гадлёвым цэнтры «Сталіца», і ў чацьвер адкрыцьцё трэцяй часткі ў аўтацэнтры «Кіа