Ежы Бузэк пра санкцыі супраць беларускіх чыноўнікаў

“Гэта павінен быць апошні шанец для рэжыму Лукашэнкі (…) Прагрэс у Беларусі сапраўды вельмі малы, і нас вельмі турбуе, што няма выразнай дэмакратызацыі”, — сказаў Бузэк у інтэрвію Польскаму радыё.

Іншыя камэнтары на рашэньне Рады Эўразьвязу падоўжыць на год візавыя санкцыі супраць беларускіх чыноўнікаў і адначасова замарозіць гэтыя санкцыі да кастрычніка — чытайце пазьней на нашым сайце

17 лістапада Рада Эўразьвязу вырашыла падоўжыць на год візавыя санкцыі супраць афіцыйнага Менску да кастрычніка 2010 году. Адначасова гэтыя санкцыі замарожаныя да кастрычніка.

У рашэньні зазначана, што “з-за адсутнасьці трывалага прагрэсу ў галінах, акрэсьленых у рашэньні Рады Эўразьвязу ад 13 кастрычніка 2008 году, Рада ня можа скасаваць санкцыі супраць шэрагу беларускіх чыноўнікаў”. Але, “каб схіліць беларускія ўлады да прагрэсу” ў галіне дэмакратыі і правоў чалавека, Рада вырашыла замарозіць прымяненьне візавых санкцыяў супраць шэрагу беларускіх чыноўнікаў на такі самы пэрыяд — да кастрычніка 2010 году.

Cпасылка