В. Гайсёнак сустрэўся зь віцэ-маршалкам Сэйму Польшчы

31 сакавіка ў Сэйме Польшчы адбылася сустрэча пасла Беларусі Віктара Гайсёнка зь віцэ-маршалкам Сэйму Яраславам Каліноўскім. Былі закранутыя актуальныя пытаньні адносінаў Беларусі з ЭЗ. Віцэ-маршалак быў паінфармаваны пра крокі беларускага боку, якія робяцца, згодна з чаканьнямі Эўразьвязу. Былі абмеркаваныя пэрспэктывы двухбаковых адносінаў і супрацы ў розных галінах. Асаблівую ўвагу абодва бакі прысьвяцілі пытаньням міжпарлямэнцкіх сувязяў паміж Беларусьсю й Польшчаю, а таксама пэрспэктывам іх разьвіцьця.

Паводле інфармацыі Амбасады Беларусі ў Варшаве.

Cпасылка