Кампанія супраць фашызму “United – разам мы мацнейшыя!”

     Пагром 9 лістапада 1938 года стаўся першым крокам да вынішчэньня нацыстамі габрэяў па ўсёй Эўропе. Сёньня гэтая дата разглядаецца як пачатак Халакосту, як міжнародны дзень супраць фашызму і антысэмітызму.

     Гісторыя паўтараецца, ультраправы экстрэмізм распаўсюджваецца па Эўропе, злачынствы на глебе нянавісьці становяцца рэгулярнымі, прапаганда ксэнафобіі легітымізуецца ў грамадзтве.

     Арганізатары заклікаюць аб’яднацца ў межах кампаніі “UNITED! Разам мы мацнейшыя!” ўсіх, хто гатовы будаваць грамадзтва, заснаванае на каштоўнасьцях Правоў Чалавека і годнасьці асобы.

     Дзякуючы сетцы UNITED праекты арганізацый-удзельніц робяцца часткай агульнаэўрапейскага руху. Гэта самая вялікая эўрапейская сетка супраць фашызму, расізму і ў падтрымку мігрантаў і ўцекачоў.

     Ёсьць магчымасьць замовіць матэрыялы для кампаніі і атрымаць іх бясплатна.

     Далучыцца да кампаніі можна, даслаўшы інфармацыю аб мерапрыемствах, якія вы плянуеце ў офіс UNITED на эл.адрас [email protected], факс +31-20-6834582 альбо патэлефанаваўшы на нумар +31-20-6834778 як найхутчэй.

     Больш падрабязную інфармацыю можна атрымаць на вэб-пляцоўцы па адрасе: http://www. unitedagainstracism.org/pages/ campnov.htm, альбо па адрасе: Postbus 413 - NL 1000 AK Amsterdam.

     Паводле паведамленьня UNITED for Intercultural Action