Эўразьвяз заклікае вызваліць усіх затрыманых

«Эўрапейскі зьвяз заклікае Беларусь неадкладна вызваліць усіх затрыманых і ўстрымацца ад іх далейшага судовага перасьледу», — гаворыцца ў заяве.

«Мы не пакінулі без увагі вызваленьне амаль усіх палітычных зьняволеных, — гаворыцца ў заяве. — ЭЗ усё яшчэ чакае, што Аляксандар Казулін, апошні з палітзьняволеных, будзе вызвалены без якіх‑небудзь затрымак. Гэты крок дазволіць ЭЗ пачаць прагрэсіўна разьвіваць стасункі зь Беларусьсю».

«У сувязі з гэтым падзеі 25 сакавіка і распачаты 27 сакавіка перасьлед па ўсёй рэспубліцы журналістаў замежных СМІ выклікае асаблівую занепакоенасьць, як і ад’езд зь Беларусі пасла ЗША і часткі супрацоўнікаў амэрыканскай дыпмісіі, — гаворыца ў заяве. — Эўразьвяз спадзяецца, што Беларусь правядзе неадкладныя і канкрэтныя крокі для аднаўленьня пазытыўнай дынамікі ў адносінах з ЭЗ».