МГА “Разьвіцьцё” абвяшчае конкурс для журналістаў “уцекачы зь Беларусі”

Конкурс праводзіцца з мэтай прыцягненьня ўвагі грамадзкасьці да праблемаў уцекачоў, тлумачэньня розьніцы паміж уцекачамі і іншымі катэгорыямі мігрантаў, фармаваньня паважных адносінаў да ўцекачоў, падвышэньня талерантнасьці і барацьбы з ксэнафобіяй у грамадзтве, узмацьненьне супрацоўніцтва паміж СМІ і дзяржаўнымі, грамадзкімі і міжнароднымі арганізацыямі, якія працуюць у сфэры ўцекачоў і міграцыі.Конкурс праводзіцца ў двух намінацыях: лепшы сродак масавай інфармацыі, аўтар альбо аўтарская праца і лепшая газэта альбо часопісная публікацыя альбо тэле- ці радыёматэрыял. У першай намінацыі абвешчаная прэмія ў адзін мільён чатырыста тысячаў рублёў, у другой - першая прэмія складае восемсот тысячаў рублёў, другая - чатырыста тысячаў рублёў і дзьве прэміі ў дзьвесьце тысяч рублёў.
У конкурсе прымуць удзел матэрыялы любога жанру, якія былі апублікаваныя альбо выйшлі ў этэр з 1 лютага па 15 сьнежня 2007 году.
Праект фінансуецца па лініі Эўрапэйскага зьвязу і ажыцьцяўляецца пры ўдзеле Дзяржаўнага камітэту памежных войскаў Беларусі і Міжнароднай арганізацыі па міграцыі. 
Заяўкі на ўдзел у конкурсе будуць прымацца да 15 сьнежня 2007 году.
Падрабязная інфармацыя знаходзіцца на сайце міжнароднага грамадзкага аб'яднаньня "Разьвіцьцё" evolutio.info 

Паводле рассылкі БАСР
n-europe.eu