Мэты і задачы

Місія Кансорцыўма "ЕўраБеларусь":

Арганізацыя і забеспячэнне пазіцыі арганізацый грамадзянскай супольнасці як раўнапраўнага, кваліфікаванага і прадстаўнічага суб'екта/боку ў беларуска-еўрапейскім супрацоўніцтве і дыялогу на падставе прынцыпаў Еўрапейскай Хартыі Актыўнай Грамадзянскасці (EUROPEAN CHARTER OF ACTIVE CITIZENSHIP, May 2006)

Задачы:

1. Забеспячэнне працэсаў беларуска-еўрапейскага супрацоўніцтва на ўзроўні дзяржаўных і недзяржаўных гульцоў, а таксама працэсаў удзелу ў публічным палітычным дыялогу шляхам адкрытасці, публічнасці і грамадскага кантролю.

2. Забеспячэнне доступу беларускіх гульцоў да неабходнай інфармацыі, навучання ў вобласці беларуска-еўрапейскага партнёрства.

3. Развіццё камунікатыўных пляцовак, накіраваных на абмеркаванне праблематыкі беларуска-еўрапейскіх адносін, а таксама пытанняў развіцця актыўнай грамадзянскасці ў Беларусі і ў Еўропе.

4. Падрыхтоўка патэнцыйных і дзейсных партнёраў з краін ЕС да больш кваліфікаванага і прадуктыўнага супрацоўніцтва з улікам сістэмных праблем, прысутных у Беларусі.