“CHOICE-Беларусь” атрымала 60 заявак ад грамадскіх і культурніцкіх ініцыятыўных груп

Каардынацыйная каманда “CHOICE-Беларусь: спадчына і сучаснасць” пагружаецца ў аналітычную працу: роўна 60 заявак да ўдзелу ў праграме было атрымана за некалькі тыдняў прыёму.

Шчыра дзякуем усім заяўнікам за цікаўнасць да праграмы “CHOICE: Cultural Heritage – Opportunity for Civic Engagement”! Наперадзе ў каманды каардынатараў і адмысловай рады – вялікая праца па ацэнцы дасланых шасці дзясяткаў ідэй па ахове і пераасэнсаванні культурнай спадыны Беларусі. Тэматыка і фарматы патэнцыйных праектаў вельмі разнастайная: ад археалагічных летнікаў да мультымедыя-каталогаў і адкрытых прафесійных школ. Некалькі праектаў прысвечаныя культурнай спадчыне этнічных меншасцяў у Беларусі. Адзінкі праектаў маюць міжнародны маштаб.

Іншыя краіны-партнёры праекта: Україна, Малдова і Арменія атрымалі прапарцыйна роўную колькасць заявак: 136, 30 і 30 заявак адпаведна.

Вынікі ацэнкі беларускіх праектаў будуць абвешчаныя 16 лістапада.

Сачыце за навінамі!

Даведка “ЕўраБеларусі”: Міжнародны праэкт "CHOICE — Cultural Heritage: Opportunity for Improving Civic Engagement" рэалізуецца Асацыяцыяй агенцтв мясцовай дэмакратыi ALDA (Францыя) сумесна з Міжнародным кансорцыумам "ЕўраБеларусь" (Лiтва).

Праект разгортваецца ў Беларусі, Украіне, Малдове і Арменіі ў межах праграмы ЕС "Усходняе партнёрства" пры iнфармацыйнай і кансультацыйнай падтрымцы арганiзацый-партнёраў:

• Цэнтра культурнага менеджменту (Львоў, Украіна);
• Нацыянальнага камітэта ICOM (Кішынёў, Малдова);
• Адукацыйна-даследчага фонда Millennium (Ерэван, Арменiя);
• Грамадскага аб’яднання "Цэнтр сацыяльных інавацый" (Мінск, Беларусь).

Беларуская частка праекта — "CHOICE-Беларусь: спадчына i сучаснасць" — грунтуецца на каштоўнасці культурнай спадчыны як рэсурсу для ўмацавання і развіцця сучаснай беларускай ідэнтычнасці і еўрапейскага цывілізацыйнага выбару Беларусі. Арганiзатары праекта маюць мэтай надаць імпульс пашырэнню разнастайнасці інавацыйных падыходаў і ініцыятыў па ўвядзенні культурнай спадчыны Беларусі ў сучаснае культурнае жыццё беларускага грамадства.