23 і 24 кастрычніка працягнуцца кансультацыі для заяўнікоў на праграму CHOICE

Для зацікаўленых ва ўдзеле ў конкурсе праектаў у межах “CHOICE-Беларусь: Спадчына і сучаснасць” абвяшчаюцца яшчэ два дні адкрытых кансультацый з каардынатарамі па адпаведнасці сваёй задумы праграме.

У сувязі з вялікай запатрабаванасцю ў парадах па складанні заявак да ўдзелу у “CHOICE-Беларусь: спадчына і сучаснасць” каардынацыйнай каманды праграмы запрашае патэнцыйных заўнікоў на новыя дні прыёму:

            •          пятніца, 23 кастрычніка, з 10 да 14:30 і

            •          субота, 24 кастрычніка, з 10 да 14:30.

Адрас: Мінск, вул. Баграціёна, 39. Просьба загадзя ўзгадніць час па тэлефонах: (029) 279-63-39, (044) 579-63-39, (029) 619-80-53 альбо па электроннай пошце [email protected]. 

Даведка “ЕўраБеларусі”: Міжнародны праэкт "CHOICE — Cultural Heritage: Opportunity for Improving Civic Engagement" рэалізуецца Асацыяцыяй агенцтв мясцовай дэмакратыi ALDA (Францыя) сумесна з Міжнародным кансорцыумам "ЕўраБеларусь" (Лiтва).

Праект разгортваецца ў Беларусі, Украіне, Малдове і Арменіі ў межах праграмы ЕС "Усходняе партнёрства" пры iнфармацыйнай і кансультацыйнай падтрымцы арганiзацый-партнёраў:

• Цэнтра культурнага менеджменту (Львоў, Украіна);
• Нацыянальнага камітэта ICOM (Кішынёў, Малдова);
• Адукацыйна-даследчага фонда Millennium (Ерэван, Арменiя);
• Грамадскага аб’яднання "Цэнтр сацыяльных інавацый" (Мінск, Беларусь).

Беларуская частка праекта — "CHOICE-Беларусь: спадчына i сучаснасць" — грунтуецца на каштоўнасці культурнай спадчыны як рэсурсу для ўмацавання і развіцця сучаснай беларускай ідэнтычнасці і еўрапейскага цывілізацыйнага выбару Беларусі. Арганiзатары праекта маюць мэтай надаць імпульс пашырэнню разнастайнасці інавацыйных падыходаў і ініцыятыў па ўвядзенні культурнай спадчыны Беларусі ў сучаснае культурнае жыццё беларускага грамадства.