Дзень адкрытай кансультацыі для заяўнікоў на праект “CHOICE-Беларусь, спадчына і сучаснасць”

Каманда міжнароднага праекту па ахове і пераасэнсаванні культурнай спадчыны CHOICE запрашае будучых заяўнікоў на адкрытую кансультацыю па падрыхтоўцы заявак.

Задаць усе пытанні каардынатарам можна будзе 16 кастрычніка.

Калі вы ўжо зацікавіліся праектам “CHOICE-Беларусь: спадчына і сучаснасць” і маеце цікавыя адпаведныя ідэі, віншуем - вы ў адным кроку да першай перамогі! Калі, разам з тым, вы маеце пытанні і сумневы аб супадзенні задумы з мэтамі CHOICE, чаканымі фарматамі альбо складанасці ў афармленні, каардынатары праекта гатовыя вам дапамагчы! Кожны жадаючы можа завітаць 16 кастрычніка з 11:30 да 20:00 на адкрытую кансультацыю па адрасе: Мінск, вул. Баграціёна, 39 і задаць пытанні па:

-творчай канцэпцыі праекта рэвіталізацыі культурнай спадчыны Беларусі; 

-арганізацыйнай адпаведнасці заяўніка;

-складанні плана развіцця сваёй арганізацыі;

-пошуку неабходнага партнёра для рэалізацыі задумы;

-афармленні заяўкі

і любыя іншыя! Будзем радыя дапамагчы.

Нагадваем, што да каардынацыйнай каманды “CHOICE-Беларусь” можна звяртацца таксама па электроннай пошце [email protected], а таксама па тэлефонах: (029) 279-63-39, (044) 579-63-39.

Падрабязную інфармацыю аб праекце, анкету і кіруючыя ўказанні для заяўніка можна знайсці тут.

Даведка “ЕўраБеларусі”: Міжнародны праэкт "CHOICE — Cultural Heritage: Opportunity for Improving Civic Engagement" рэалізуецца Асацыяцыяй агенцтв мясцовай дэмакратыi ALDA (Францыя) сумесна з Міжнародным кансорцыумам "ЕўраБеларусь" (Лiтва).

Праект разгортваецца ў Беларусі, Украіне, Малдове і Арменіі ў межах праграмы ЕС "Усходняе партнёрства" пры iнфармацыйнай і кансультацыйнай падтрымцы арганiзацый-партнёраў:

• Цэнтра культурнага менеджменту (Львоў, Украіна);
• Нацыянальнага камітэта ICOM (Кішынёў, Малдова);
• Адукацыйна-даследчага фонда Millennium (Ерэван, Арменiя);
• Грамадскага аб’яднання "Цэнтр сацыяльных інавацый" (Мінск, Беларусь).

Беларуская частка праекта — "CHOICE-Беларусь: спадчына i сучаснасць" — грунтуецца на каштоўнасці культурнай спадчыны як рэсурсу для ўмацавання і развіцця сучаснай беларускай ідэнтычнасці і еўрапейскага цывілізацыйнага выбару Беларусі. Арганiзатары праекта маюць мэтай надаць імпульс пашырэнню разнастайнасці інавацыйных падыходаў і ініцыятыў па ўвядзенні культурнай спадчыны Беларусі ў сучаснае культурнае жыццё беларускага грамадства.