Расія ва Ўкраіне стварае прапагандысцкую сетку з 500 блогераў

Праект мае назву "Ўкраіна не ЕС".

На тэрыторыі Ўкраіны — у Кіеве, Харкаве, Адэсе, на Луганшчыне і Данеччыне — ствараецца сетка блогераў (да 500 чалавек), якія будуць дыскрэдытаваць еўраінтэграцыйны вектар развіцця Ўкраіны і навязваць прарасійскі курс.

У анатацыі праекту прыводзіцца шэраг маніпулятыўных сцвярджэнняў пра тое, што курс Украіны на Еўрасаюз і адмова ад расійскага рынку збыту прывялі эканамічную і сацыяльную сферы Ўкраіны да краху, што ўкраінцы стаміліся ад карумпаванай і несумленнай улады, а еўрапейцы — ад неэфектыўнай і бесперспектыўнай палітыкі Ўкраіны, і што нібыта неўзабаве Еўрасаюз адмовіцца ад Украіны як дзелавога партнёра і дружалюбнага суседа і пачне весці прадметны і публічны дыялог з Масквой пра аднаўленне стасункаў, элементам якога можа стаць і адмова ад санкцый супраць Расіі.

Пры гэтым адмова еўрапейскіх краінаў ад прыняцця Ўкраіны ў ЕС павінна спрыяць пазітыўнаму для Масквы рашэнню крымскага пытаньня. Сярод іншых экспертных сцвярджэнняў ёсць і тое, што слоган "Украіна не ЕС" нібыта адпавядавае базавым запатрабаванням Еўропы, для якой цяпер больш актуальнае імкненне да падзелу Ўкраіны на дзве часткі: адна частка — прарасійская, другая — праеўрапейская, паведамляе "Радыё Свабода" со спасылкай на агенцтва "Ўкрінформ".