Расія і Кітай заблакавалі рэзалюцыю ААН па санкцыях супраць Сірыі

Дакумент, падрыхтаваны заходнімі краінамі, набраў мінімальна неабходныя для прыняцця дзевяць галасоў. Масква і Пекін скарысталіся правам вета.

Акрамя Расіі і Кітаю, супраць праекту рэзалюцыі выказалася Балівія, у той час як Егіпет, Казахстан і Эфіёпія пры галасаванні ўстрымаліся.

"Праект рэзалюцыі не прыняты, паколькі супраць яго прагаласаваў як найменш адзін з пастаянных чальцоў Рады Бяспекі", — абвясціў амбасадар Украіны пры ААН Уладзімір Ельчанка, старшыня ў Радзе Бяспекі ААН у лютым.

Прадстаўнік Вялікабрытаніі пры ААН Мэцью Райкфард заявіў, што сваімі дзеяннямі Расія і Кітай "падарвалі давер сусветнай супольнасці да ААН".

Райкфарда выказаў абурэнне тым, што Расія наклала вета, а Кітай — да яе далучыўся. "Яны, такім чынам, парушаюць уласныя абавязанні па выкананні рэжыму нераспаўсюджвання ў свеце", — сказаў ён. Паводле ягонай ацэнкі, такі крок "стаў ударам па даверы да Рады Бяспекі ААН у свеце", паведамляе "Радыё "Свабода".