Літва ўзвядзе на мяжы з Расіяй плот

Да гэтага часу мяжу паміж дзяржавамі пазначалі толькі спецыяльныя знакі і 13-метровая кантрольная паласа.

Міністр унутраных спраў Эймуціс Мисюнас сказаў, што ў гэтым годзе ўпершыню за ўвесь перыяд незалежнасці выдзяляюць каля 3,6 млн. еўра на будаўніцтва фізічнай сцяны на мяжы з Калінінградскай вобласцю. "Гэтых сродкаў павінна быць дастаткова. Побач з плотам будзе ўстаноўлена сучасная сістэма назірання, на яе сродкі плануюць знайсці ў наступным годзе", - сказаў ён.

Па словах міністра, гэта будзе не кітайская сцяна, а ўсяго толькі умацаваная сцяна, каб не пранікалі кантрабандысты, нелегалы.

Плот пабудуюць на ўчастку 135 км - ад Вішціціса да Нёмана (дзе перасякаюцца межы Польшчы, Літвы і Расіі), паведамляе nn.by са спасылкай на delfi.lt.