Падпісана дамова пра супрацоўніцтва паміж медыкамі з Гродна і Беластока

Свае подпісы пад дамовай паставілі 11 студзеня рэктар Вышэйшай Школы касметалогіі і аховы здароўя ў Беластоку Збігнеў Пухальскі і рэктар Медычнага ўніверсітэту ў Гродне Віктар Сняжыцкі.

Падпісаная дамова дазволіць пашырыць правядзенне сумесных навуковых даследаванняў, арганізацыю друхбаковых семінарў і канферэнцый, магчымасці для абменаў студэнтамі і выкладчыкамі, арганізацыю спартыўных спаборніцтваў.

У пачатку года Вышэйшая Школа касметалогіі і аховы здароўя выказала гатоўнасць таксама прыняць у сябе на вучобу беларускіх студэнтаў, якія могуць быць рэпрэсаваныя беларускімі ўладамі за ўдзел у акцыі 19 снежня.

У прыватнасці, Школа гатова прыняць студэнтаў для вучобы на кірунках фізіялогія, касметалогія, акушэрства, медычная дапамога ў надзвычайных сітуацыях.

В. Дрэма, Твой стыль