МЗС Бельгіі і Беларусі праводзяць двухдзённыя кансультацыі

Перспектыва развіцця двухбаковых дачыненняў паміж Бруселем і Мінскам, у тым ліку у рамках ініцыятывы „Усходняе партнёрства”, з’яўляецца галоўнай тэмай чарговага  раўнду  беларуска-бельгійскіх двухдзённых кансультацый на ўзроўні міністэрстваў замежных спраў, якія пачаліся ўчора.

Бельгія ў другой палове гэтага года пераймае старшынства ў ЕС. На кансультацыях беларускую дэлегацыю ўзначальвае начальнік Галоўнага упраўлення Еўропы Міністэрства замежных спраў Беларусі Аляксей Скрыпко. Пра гэта паведаміў прэсавы сакратар ведамства Андрэй Савіных:

„У рамках двухбаковых кансультацый запланаваны таксама сустрэчы беларускай дэлегацыі ў Радзе  ЕС, Еўракамісіі ды Еўрапарламенце. Сустрэчы на высокім ўзроўні не прадбачаны”.

Паводле Радыё Рацыя