Міжнародны трэнінг “I’m media smart”

Галоўная тэма праекта – медыя, яе статус і дачыненьне да працы з моладдзю.

Галоўныя мэты трэнінгу:
– Навучыць удзельнікаў, як наблізіцца да медыя і выкарыстаць магчымасьці медыя для дасягненьня пастаўленых мэтаў;
– Паказаць на практыцы, як выкарыстоўваць існуючыя інструменты медыя, а таксама стварыць новыя для паляпшэньня работы з моладдзю;
– Дасьледаваць медыя як інструмент нефармальнай адукацыі моладзі;
– Прааналізаваць становішча медыя ў розных краінах Эўропы;
– Пабудаваць асноўны каркас, каб стаць “media smart”, праз адкрыцьцё для сябе культуры медыя;
– Абмеркаваць асноўныя пытаньні медыя, якія датычацца НГА і праграмы “Youth in Action”
– Натхніць удзельнікаў на новыя праекты ў межах праграмы “Youth in Action” і дапамагчы ім на першым этапе іх рэалізацыі;

На працягу трэнінга ўдзельнікі змогуць даведацца, як правільна казаць перад камерай, выказваць свае думкі і будаваць сваю гутарку, а таксама як пазьбегчы маніпуляцыі, калі ў вас бяруць інтэрвію. Яны змогуць паўдзельнічаць у розных варштатах і практыкаваньнях, даведаюцца, як правільна напісаць артыкул, каб прыцягнуць увагу мэтавай аўдыторыі, і паспрабуюць гэта на практыцы, атрымаюць досьвед працы з кіно і фотаздымкамі, даведаюцца пра магчымасьці сацыяльных сеціваў і як іх можна выкарыстоўваць у працы з моладдзю, а таксама многае іншае….

Да ўдзелу запрашаюцца:
– Актыўная моладзь ва ўзросьце 18–25 гадоў;
– Працоўнікі з моладдзю і чальцы/валянтэры грамадзкіх арганізацый

Патрабаваньні да ўдзельнікаў:
– Валоданьне гутарковай ангельскай мовай;
– Абавязковы ўдзел ва ўсіх мерапрыемствах трэнінгу;
Фінансавыя ўмовы:
– 100% пражываньня і харчаваньня будуць забясьпечаныя прымаючым бокам;
– Удзельнікі самі павінны набыць сабе квіткі, на працягу трэнінгу ім будуць вернуты 70% кошту праезда.
– Унёсак удзельнікаў – 25 эўра.

Для ўдзелу неабходна запоўніць анкету і даслаць на наступныя паштовыя скрыні: [email protected], [email protected]

Апошні тэрмін – да 25 верасьня.

Паводле вэб-пляцоўкі nastaunik.info