Менск разьлічвае на польскія інвэстыцыі

23.02.2009

У Менск прыбыла дэлегацыя польскага ўраду і дзелавых колаў на чале з віцэ-прэм’ерам ураду Польшчы Вальдэмарам Паўлякам.

Намесьнік кіраўніка ураду Беларусі Андрэй Кабякоў, вітаючы польскую дэлегацыю, заявіў, што беларускі бок зацікаўлены разьвіваць інвэстыцыйнае супрацоўніцтва з Польшчай і прыцягваць польскі капітал ў беларускую эканоміку.

Кабякоў нагадаў, што Беларусь праводзіць лібэралізацыю сваёй эканомікі і да канца 2010 году хоча прыватызаваць 500 дзяржаўных прадпрыемстваў. У часе гэтай кампаніі афіцыйны Менск разьлічвае на выкарыстаньне польскага досьведу і тэхнічнай дапамогі ў галіне прыватызацыі.

Вальдэмар Паўляк у сваю чаргу зьвярнуў увагу на супрацоўніцтва двух краінаў у галіне энэргетыкі. Ён заявіў, што ў цяперашніх крызісных умовах важныя перш за ўсё кантакты прадпрымальнікаў. Паўляк дадаў, што разьлічвае на пашырэньне такіх кантактаў.

Таваразварот паміж Беларусьсю і Польшчай у 2008 годзе склаў каля трох мільярдаў даляраў. Польшча зьяўляецца пятай, паводле памераў таваразвароту, гандлёвай партнэркай Беларусі ў сьвеце.

Спасылка

Из Минска в Калининград будет ходить автобус

06.06.2010

Конфликт Минска и Варшавы может вылиться в конфликт Беларуси и Европы

22.02.2010

Дэмакратызацыя як умова Ўсходняга партнэрства

29.12.2008

Делегация Беларуси участвует в конференции по вопросам укрепления безопасности в странах ВП

26.01.2011

Роман Яковлевский: «Сегодня Евросоюз больше беспокоит газ, чем Лукашенко»

06.03.2009