Сэмінары для моладзі

14.01.2009

Моладзевае грамадзкае аб’яднаньне “Розныя-Роўныя” ладзіць сэмінары ў межах праекта “Мы разам”, накіраванага на інтэграцыю і актывізацыю моладзі ад 18 да 31 года з абмежаванымі фізычнымі магчымасьцямі без псыхічных захворваньняў і іх здаровых аднагодкаў.Праект рэалізуецца пры падтрымцы Міністэрства адукацыі Рэспублікі Беларусь і Міністэрства працы і сацыяльнай абароны Беларусі.

У праграме пяцідзённых сэмінараў будуць закранацца наступныя тэмы:

- Асновы камунікацыі

- Стэрэятыпы камунікацыі

- Упэўненыя паводзіны

- Эфектыўнае вырашэньне канфліктаў

- Разуменьне інваліднасьці.

Праграма пабудаваная на аснове сучасных навучальных мятодык: ролевыя гульні, разьвіваючыя гульні, дыскусыі, форум-тэатр, арт-тэрапія.

Сэмінары ладзяцца з 6 па 10 лютага і з 12 па 16 сакавіка пад Менскам.

Усе выдаткі – за кошт арганізатараў.

Апошні тэрмін падачы заяўкі – да 31 студзеня і да 8 сакавіка.

Больш падрабязная інфармацыя – па эл. пошце [email protected], тэлефонах 8-029 555-68-38(МТС) , 8-017 228-53-51, па адрасе: Менск, вул.М.Лынькова 8-4, 220104.