Навучальныя візыты для моладзі

05.12.2008

“Цэнтр Супрацоўніцтва моладзі” (Гдыня, Польшча) распачынае праграму навучальных візытаў і стажыровак для моладзі – студэнтаў і прадстаўнікоў грамадзкіх арганізацый Беларусі, Украіны, Малдовы.Да ўдзелу запрашаюцца маладыя, актыўныя, ініцыятыўныя студэнты альбо прадстаўнікі грамадзкіх арганізацый ва ўзросьце 18-25 год.

Навучальныя візыты – гэта магчымасьць пазнаёміцца з Польшчай, даведацца пра адміністратыўную і адукацыйную сыстэму, урад, бізнэс, СМІ, дзяржаўныя і грамадзкія арганізацыі, культуру, гісторыю і г.д. У межах праграмы будуць ладзіцца сэмінары, майстарклясы, лекцыі, экскурсіі. Удзельнікі наведаюць Гдыню, Гданьск, Сопат і іншыя гарады паўночнай Польшчы.

Усе выдаткі ўдзельнікаў – за кошт арганізатараў.

Кандыдаты на ўдзел у праграме мусяць запоўніць анкеты.

З пытаньнямі зьвяртайцеся да Кацярыны Леўчанка на эл.пошту [email protected] , [email protected].