Як кіраваць маёмасьцю шматкватэрнага дома?

13.11.2008

20 лістапада экспэрты грамадзкага аб’яднаньня “Беларуская арганізацыя працоўных жанчын” ладзяць у Гародні сустрэчу з зацікаўленымі па пытаньнях эфектыўнага кіраваньня агульнай маёмасьцю шматкватэрнага дома.Сустрэчу-прэзентацыю правядуць экспэрты па пытаньнях жыльлёвага самакіраваньня Ірына Плаўская і Леанід Сакалоўскі. У сваім выступе яны распавядуць пра тыя магчымасьці, якія ёсьць у кожнага ўласьніка, які імкнецца арганізаваць працэс эфектыўнай эксплуатацыі агульнай маёмасьці шматкватэрнага дома. Таксама экспэрты падрабязна ахарактарызуюць магчымасьці, якія адкрываюцца пры пераходзе на самакіраваньне.

Усе ўдзельнікі сустрэчы змогуць атрымаць у падарунак набор брашур з сэрыі “Эфектыўнае домаўладаньне”.