Выстава шведскай графікі "Праз традыцыю ў будучыню"

Аддзяленне Пасольства Швецыi ў Мiнску пры падтрымцы Шведскага Iнстытута, праводзяць з 18 студзеня па 2 сакавiка 2008 года у Гродзенскiм дзяржаўным гiсторыка-археалагiчным музее (г. Гродна, вул. Замкавая, 20) выставу Шведскай графiкi "Праз традыцыю ў будучыню". Адкрыцце выставы адбудзецца 18 студзеня ў 16.00. Выстава экспанавалася напрацягу 2007 года ў Мiнску, Вiцебску i Полацку.

У рамках выставы ў Мiнску i Гродне адбудуцца майстар-класы для беларускiх студэнтаў i мастакоў, якiя будуць праводзiцца шведскiмi выкладчыкамi i мастакамi-графiкамi.

"ПРАЗ ТРАДЫЦЫЮ Ў БУДУЧЫНЮ" - гэта рэпрэзентацыйная выстава 15 шведскiх мастакоў-графiкаў, якая - у сувязi з афiцыйным вiзiтам летам 2004 года ў Славенiю караля i каралевы Швецыi - была падабрана для экспанавання ў Цэнтры графiчнага мастацтва г.Любляны. Яна атрымала самыя высокiя адзнакi мастацкай грамадскасцi Славенii i выклiкала настолькi шырокую дыскусiю ў друку, што Шведскi iнстытут, яе арганiзатар, вырашыў паказаць выставу i ў iншых краiнах. У 2005 годзе выстава экспанавалася ў Мiжнародным цэнтры графiчнага мастацтва г. Марыефрэд (Швецыя), Дзяржаўнай мастацкай галерэi г.Калiнiнграда (Расiя), Цэнтры сучаснага мастацтва г.Кiшынёва (Малдова), Музее сучаснага выяўленчага мастацтва (Мiнск), Музее Марка Шагала (Вiцебск).