“Урок беларускай мовы” названы лепшым еўрапейскім дакументальным фільмам

Пра гэта з Нямеччыны Еўрарадыё паведаміў адзін з герояў стужкі Франак Вячорка:

“У Берліне адбыўся штогадовы фестываль тэлевізійных і мастацкіх фільмаў. Тут удзельнічалі стужкі з усіх куткоў Еўропы. Удзельнічалі таксама і розныя беларускія фільмы, у тым ліку стужка Юрыя Хашчавацкага “Плошча”.

“Урок беларускай мовы” удзельнічаў у цэлым шэрагу намінацый і атрымаў прыз Савета Еўропы. Узнагароду ўручалі прадстаўнікі Еўрапарламента і вышэйшае кіраўніцтва Савета Еўропы”.


Фільм “Урок беларускай мовы”, прысвечаны сакавіцкім падзеям у нашай краіне падчас прэзідэнцкіх выбараў, распавядае пра закрыты ўладамі гуманітарны ліцэй імя Якуба Коласа і яго навучэнцаў. Гэта ўжо 16-я ўзнагарода гэтага фільма.