На Нобелеўскую прэмію прэтэндуюць тры беларусы

У пятніцу 12 кастрычніка ў Нобелеўскім інстытуце ў Осла будзе абвешчаны лаўрэат Нобелеўскай прэміі міру. Сёлета сярод намінантаў на атрыманьне гэтай ганаровой прэміі 181 кандыдат, з якіх 135 прыватных асобаў і 46 арганізацый.

Як стала вядома праваабарончаму цэнтру “Вясна”, сярод прэтэндэнтаў на Нобелеўскую прэмію міра вылучаныя і два беларусы: другі раз запар патрапіў у шорт-ліст (спіс найбольш верагодных прэтэндэнтаў) вядомы беларускі праваабаронца Алесь Бяляцкі і ўпершыню старшыня Беларускай сацыял-дэмакратычнай Грамады, былы старшыня Вярхоўнага Савету Беларусі Станіслаў Шушкевіч.

Таксама ў другі раз намінаваны на Нобелеўскую прэмію ў галіне літаратуры паэт Рыгор Барадулін.