Прадпрымальнікі: «Будзем прадаваць толькі беларускае, вымрэм як маманты»

Пры гэтым, не зважаючы на даволі высокую якасць, вопратка беларускай прадукцыі надалей не карыстаецца попытам сярод насельніцтва, перадае Радыё Рацыя. Гарадзенцы скардзяцца на дарагавізну беларускіх тавараў і адсутнасць разнастайнага асартыменту, заўважаюць гандляры гарадзенскага Скідзельскага рынку.

— Вісяць спадніцы і кофтачкі таксама ёсць беларускія. Цяжкая прадаецца шчыра кажучы. У нас адну мадэль запусцілі і вось купляйце. Калі мы ўсе будзем стаяць з беларускім, у нас ва ўсіх будзе аднолькавы тавар і мы ўвогуле вымрэм як маманты.

— Цэны на беларускі тавар —высокія, а асартымент, вядома, вельмі ўбогі.

— Людзі без грошай і рынак адрэагаваў на гэта ў момант: людзі вельмі мала купляюць і патрабаванні ў іх высокія — усе выжываюць.

У сувязі са значным памяншэннем заробкаў, вельмі моцна адчуваецца паніжэнне пакупніцкай здольнасці людзей, — зазначаюць гандляры.