Слонімскіх ІП затрымалі пры выездзе са Слоніма

14 індывідуальных прадпрымальнікаў Слоніма сёння, 14 сакавіка, на бусе выехалі са Слоніма ў Мінск на мітыг, прысвечаны адмене ўказаў №222 і №48. Да 13 гадзін яны павінны былі быць у сталіцы. Але як толькі бус з прадпрымальнікамі выехаў з гораду, іх затрымалі супрацоўнікі Слонімскай ДАІ і загадалі ехаць у Слонім да памяшкання ДАІ. Калі ІП пачалі выказваць сваё незадальненне, супрацоўнікі ДАІ сказалі, што, маўляў, іх машына лічыцца выкрадзенай, таму неабходна праверка. Пра гэта "Радыё Рацыя" паведаміў сябра рэспубліканскай грамадскай арганізацыі “Перспектыва”, каардынатар па Гарадзенскай вобласці Віктар Марчык, які ехаў з ІП разам у Мінск. Цяпер бус са слонімскімі ІП стаіць на пляцоўцы каля памяшкання Слонімскай ДАІ. Колькі часу іх там пратрымаюць – невядома.