Кіраўнік прадпрымальніцкага руху: Ілюзіяў няма і шанцаў вельмі мала

Анатоль Шумчанка спадзяецца, што пытанне па ўказу № 222 на пасяджэнні рабочай групы будзе абмяркоўвацца, хаця вялікіх надзеяў у выніковасць паседжання ў яго няма.

"Ілюзіяў няма і шанцаў вельмі мала. Пакуль Лукашэнка не дасць каманду канцэптуальна змяніць адносіны да прыватнага бізнеса, чыноўнікі нічога не будуць рабіць. У любым выпадку трэба скарыстоўваць усе магчымыя пляцоўкі, якія “Перспектыва” стварыла, у тым ліку і рабочую групу, для таго, каб была магчымасць пабачыцца, абмеркаваць, выказаць свае прапановы", - цытуе кіраўніка арганізацыі, што аб'ядноўвае прадпрымальнікаў краіны, Радыё Рацыя.

На форуме ў Мінску 1 лютага індывідуальныя прадпрымальнікі запатрабавалі перамоваў з Аляксандрам Лукашэнкам. Удзельнікі форуму ў чарговы раз выказаліся за тэрміновую адмену ўказа № 222.