Дробныя гандляры могуць апынуцца пад новым ударам

Расійскі ўрад накіраваў у Дзяржаўную думу законапраект, паводле якога набыццё тавараў і аказанне паслугаў, рэзідэнтам і нерэзідэнтам РФ, павінны ажыццяўляцца ў безнаяўнай форме, паведамляе "Радыё Рацыя" са спасылкай на TUT.BY.

Калі дакумент прымуць, ён закране і беларускіх ІП-эшнікаў, якія закупляюцца ў Расіі. Пры безнаяўным разліку, між іншым, значна ўскладняецца працэдура пакупкі, і павышаецца кошт тавару.

Нагадаем, з 1 студзеня 2016 года беларускія ІП масава спынілі гандаль. З гэтай даты, згодна з указам Лукашэнкі, прадпрымальнікі не могуць прадаваць тавары лёгкай прамысловасці, увезеныя з краін Мытнага саюза, без сертыфікатаў. Да 1 студзеня 2016 года ім надавалася права рэалізаваць рэшткі тавараў, увезеных да 1 ліпеня 2014 года ў Беларусь без суправаджальных дакументаў, па зарэгістраваных у падатковых органах вопісах рэшткаў.