Вытворчасць у Мінску ўпала на 14 працэнтаў

Аб’ём прамысловай вытворчасці ў Мінску ў студзені-лістападзе 2015 году знізіўся на 14,2 % у параўнанні з аналагічным леташнім пэрыядам і склаў 106 трыльёнаў рублёў у бягучых цэнах, паведамляе "Радыё свабода" са спасылкай на галоўнае статыстычнае ўпраўленне беларускай сталіцы.

У харчовай прамысловасці зніжэнне склала 5,6 %, тэкстыльнай і швейнай - 36,2 %, вытворчасці скуры, скураных вырабаў і абутку - 24,2 %.

На 20 % знізіліся аб’ёмы апрацоўкі драўніны і вытворчасці вырабаў з дрэва. Гумовых і пластмасавых вырабаў выраблена менш на 12,2 %, машын і абсталяваньня - на 32 %, транспартных сродкаў і абсталяваньня — на 39,8 %, электраабсталявання, электроннага і аптычнага абсталявання - на 2,6 %, іншых неметалічных мінеральных прадуктаў - на 12,7 %.

Вытворчасць гарэлкі знізілася на 31,3 %, грузавых аўтамабіляў - на 57,7 %, трактароў - на 41 %, аўтобусаў - на 50,9 %, матацыклаў - на 81,2 %, абутку - на 29,9 %, гарсэтных вырабаў - на 40,6 %.