На гігантах беларускай вытворчасці чакаюцца вялікія скарачэнні

“МАЗ”, “МТЗ”, “Беларускі металургічны завод” і шэраг іншых машынабудаўнічых заводаў і фабрык чакае пераход ад “палітыкі захавання працоўных месцаў да палітыкі максімалізацыі аддачы кожнага працоўнага месца”. Такія перспектывы агучыў міністр эканомікі Уладзімір Зіноўскі падчас правядзення сусветнага тыдня прадпрымальніцтва, што адбываецца ў Менску, паведамляе «Радыё Рацыя».

– Прадугледжваецца ўдасканаленне сістэмы кіравання эканомікай, укараненне новых падыходаў да мадэрнізацыі эканомікі, атрыманне дзяржпадтрымкі на выключна конкурснай аснове, фармаванне паўнавартаснага фінансавага рынку.

Як сведчаць дадзеныя Нацыянальнага статыстычнага камітэта Рэспублікі Беларусь, больш 20% айчынных прадпрыемстваў з’яўляюцца стратнымі. Датацыі і ільготныя крэдыты атрымлівае большая палова прадпрыемстваў дзяржаўнага сектара эканомікі.