Каля мяжы з Расіяй тармазнулі фуру з санкцыйнымі яблыкамі

Як паведамляе БелаПАН са спасылкай на Дзяржаўны памежны камітэт Беларусі, па выстаўленых суправаджальных дакументах ў аўтамабілі з Беларусі ў Расію перамяшчаўся квас. Пасля агляду было ўстаноўлена, што ў транспартным сродку перавозяцца 16,6 т свежых яблыкаў без дакументаў, якія трапляюць пад забарону на ўвоз на расійскую тэрыторыю. Перавозчыкам з'яўляецца юрыдычная асоба з Бранскай вобласці.

Папярэдні кошт тавару складае ла 290,5 млн рублёў, аўтамабіля  - 389 млн рублёў.

Ужо вядомыя выпадкі, калі кіроўцы ратавалі санкцыйны груз ад канфіскацыі, уцякаючы з ім на тэрыторыю Беларусі.Да прыкладу, быў выяўлены факт перамяшчэння з тэрыторыі Беларусі мясной сыравіны ў грузавіку пад кіраваннем 36-гадовага беларуса, які жыве ў Віцебску. У грузавым адсеку транспартнага сродку перавозілася «ялавічына астуджаная ў чвэртках» у колькасці каля двух тоны без маркіроўкі, ветэрынарных і таварна-транспартных дакументаў. Кіроўца самавольна, без дазволу кантрольных органаў, пакінуў межы памежнага пункту і, як мяркуецца, накіраваўся ў Беларусь.

У пачатку жніўня кіроўца,  які перавозіў 1,5 тоны таматаў праз беларуска-расійскую мяжу, даведаўшыся аб іх магчымым знішчэнні, скраў аўтамабіль з прадукцыяй ды заехаў на тэрыторыю Беларусі.