Бульба і садавіна падаражэлі больш за ўсё ў Беларусі ў першай палове 2015 года

Сярод сектараў нацыянальнай эканомікі лідавалі паслугі. З пачатку гэтага года кошты на іх паслугі павялічыліся на 10,5%. У параўнанні з першым паўгоддзем мінулага года рост склаў 24,5%, піша "Ежедневник".

Найбольшы прырост з пачатку 2015 года, паводле звестак Нацыянальнага статыстычнага камітэта, назіраўся ў жыллёва-камунальных паслугах (на 19,9%), а ў іх структуры - у паслугах на тэхнічнае абслугоўванне жылых памяшканняў (на 42,9%).

З пачатку 2015 года на 15,4% вырас кошт чыгуначных білетаў у міжнародных стасунках, на 15,3% - наведванне тэатраў, на 12,5% - турыстычныя паслугі.

Усяго з пачатку 2015 года індэкс спажывецкіх коштаў на тавары і паслугі ў Беларусі змяніўся на 7,3%, а ў параўнанні з першым паўгоддзем 2014 года - на 15,4%.

Прырост коштаў на нехарчовыя тавары склаў з пачатку года 7,1% (у параўнанні з першым паўгоддзем 2014 - 11,1%), на харчовыя - 6,3% (15%).

У нехарчовых сектары больш за ўсё выраслі кошты на ровары і матацыклы (20,9%), медыкаменты (16%), сінтэтычныя мыйныя сродкі (12,1%) і бытавыя электратавары (11,3%), у харчовым -на садавіну (47 , 9%), бульбу (44,9%), алей (25%), гарбату (21,1%), яйкі (20,4%) і рыбу і морапрадукты (20,3%).