Лукашэнка прадаставіў прэферэнцыі сямі раёнам Магілёўскай вобласці

Дакумент прыняты ў мэтах ўстойлівага развіцця Клімавіцкага, Касцюковіцкага, Краснапольскага, Крычаўскага, Слаўгарадзкага, Хоцімскага і Чэрыкаўскага раёнаў.

Прадугледжваецца стварэнне льготных умоваў і некаторых прэферэнцый. Фізічным асобам прадастаўляюцца льготы па выплаце падаходнага падатку. Усталёўваецца стаўка ў памеры 10% з даходаў, атрыманых паводле працоўных дамоваў ад арганізацый і індывідуальных прадпрымальнікаў, зарэгістраваных на тэрыторыі паўднёва-ўсходняга рэгіёну Магілёўскай вобласьці з 1 ліпеня 2015 года па 31 снежня 2020 года, якія займаюцца вытворчасцю тавараў на працягу 7 гадоў з пачатку такой дзейнасці.

Для наймальнікаў і камерцыйных арганізацый, зарэгістраваных на тэрыторыі паўднёва-ўсходняга рэгіёну Магілёўскай вобласці, з 1 ліпеня 2015 году па 31 снежня 2020 году, указам прадугледжаны льготы па абавязковых страхавых унёсках. Такія ўнёскі ўсталёўваюцца ў памеры 24%.

Грамадзяне Рэспублікі Беларусь, якія будуць будаваць (рэканструяваць) або набываць жылыя памяшканнi ў населеных пунктах паўднёва-ўсходняга рэгіёну Магілёўскай вобласці, змогуць атрымліваць на гэта льготныя крэдыты тэрмінам да 20 гадоў пад 1% гадавых. Пры гэтым неабходна ажыццяўляць працоўную дзейнасць на тэрыторыі рэгіёну не менш за 10 гадоў з моманту атрымання такіх крэдытаў.

Агульны аб’ём фінансавання мерапрыемстваў праграмы складае 2 трлн 520,8 млрд рублёў, паведамляе “Радыё Свабода”.