На 3 долара болей: беларусаў "ашчаслівілі" падвышэннем бюджэту пражытковага мінімума

З 1 траўня павышаецца памер бюджэта пражытковага мінімума. Новая велічыня будзе дзейнічаць да 31 ліпеня. Аб гэтым БелТА паведаміла  міністр працы і сацыяльнай абароны Марыянна Шчоткіна.

Нагадаем, зыходзячы з велічыні БПМ ў Беларусі налічваюцца памеры надбавак, даплат да пенсій. Адначасова будуць пералічаны сацыяльныя і мінімальныя працоўныя пенсіі.

У міністэрстве працы і сацыяльнай абароны "Еўрарадыё" паведамілі новыя памеры бюджэта пражытковага мінімума.

"З 1 траўня сярэдні памер БПМ складзе 1 474 870 рублёў (папярэдні паказчык быў роўны - 1 428 100 рублям на чалавека - Еўрарадыё.), для працаздольнага насельніцтва гэты памер вырасце да 1 627 600 рублёў, для пенсіянераў  - 1 126 180, для студэнтаў - 1 427 860, для дзетак да 3-х гадоў - 946 610 рублёў, для дзяцей ад 3 да 6 гадоў - 1 322 490, для дзяцей ад 6 да 18 гадоў – 1 623 670 рублёў", - сказалі ў Міністрэстве працы.

Новы бюджэт пражытковага мінімума ў параўнанні ў памерам папярэдняга вырас на 3,2 долара.