"Белмедпрэпараты" трапілі ў расійскі антырэйтынг лекавых вытворцаў

Антырэйтынг апублікаваны на сайце Федэральнай службы па наглядзе ў сферы аховы здароўя Расіі. 

Неганаровае другое месца ў пераліку замежных вытворцаў лекавых сродкаў па аб’ёме няякаснай прадукцыі заняў Барысаўскі завод медпрэпаратаў.

Летась нараканні былі да 17 серый прэпаратаў ад гэтага вытворцы - гэта шэсць найменняў лекаў. Сярод прэтэнзіяў: сапраўднасць, колькаснае вызначэнне, аднароднасць дазіравання, сярэдняя маса, механічныя ўключэнні, мікрабіялагічная чысціня, упакоўка.

"Белмедпрэпараты" выглядаюць крыху лепей і займаюць у антырэйтынгу 12-е месца. Прадпрыемства атрымала заявы аб недахопах у трох серыях найменняў. Тут прэтэнзіі тычыліся ўпакоўкі і маркіроўкі.

У кампаніі "Барысаўскі завод медпрэпаратаў" ніяк не каментуюць гэтую навіну.

Дарэчы, гэтыя два прадпрыемствы і раней траплялі ў расійскі рэйтынг недобрасумленных замежных вытворцаў лекаў - у антырэйтынгу яны былі ў 2009 годзе.