Знешні дзярждоўг Беларусі ўзрос на 352,7 млн долараў

 Аб гэтым БЕЛТА паведамілі ў Міністэрстве фінансаў.

У студзені-лістападзе 2014 года прыцягнуты знешнія дзяржаўныя пазыкі на суму $4 млрд 937,5 млн. У тым ліку $4 млрд 489,8 млн прыцягнута ад урада і банкаў Расійскай Федэрацыі, $402,5 млн - ад банкаў КНР, $44,9 млн - ад МБРР, $0,3 млн - ад ЕБРР.

Пагашэнне знешняга дзяржаўнага доўгу з пачатку года склала $4 млрд 230,6 млн. У тым ліку $2 млрд 702,5 млн выплачана ўраду і банкам Расійскай Федэрацыі, $1 млрд 104,7 млн - МВФ; $176,6 млн - Антыкрызіснаму фонду ЕўрАзЭС; $177,3 млн - банкам КНР, $52,5 млн - банку Венесуэлы, $14,1 млн - МБРР; $2,7 млн - па крэдытах ЗША; $0,2 млн - банкам Германіі.

Дзяржаўны доўг Беларусі на 1 снежня 2014 года склаў Br184,4 трлн і павялічыўся ў параўнанні з пачаткам года на Br30,4 трлн, або на 19,7 працэнта.

Унутраны дзяржаўны доўг па стане на 1 снежня склаў Br46,1 трлн, павялічыўшыся з пачатку года на Br10,4 трлн, або на 29,2 працэнта (з улікам курсавых розніц).