Фэстываль драўлянай архітэктуры пройдзе на Беласточчыне

Ад 16 да 23 жніўня у Шчытах, што на Беласточчыне будзе праходзіць Фэстываль драўлянай архітэктуры. Арганізатарам з'яўлаецца Звяз на карысць адукацыі і прамоцыі беларускай культуры „Шчыты”, паведамляе Беларуская рэдакцыя Польскага радыё.

Старшыня арганізацыі Ігар Лукашук распавёў, што ідэя фестывалю - паказаць як у сучаснай эстэтычнай прасторы могуць існаваць традыцыйныя драўляныя формы.

"Мы хочам паказаць, што культурныя каштоўнасці вартыя і сёння. Гэта тое, чым можна карыстацца ў сучаснай культурнай прасторы. Мерапрыемства скіраванае найперш да архітэктараў, дызайнераў. Мы хочам заахвоціць маладых людзей выкарыстоўваць у сваёй працы нашы графічныя элементы", - адзначыў Лукашук.

Ігар Лукашук распавёў, што добрым прыкладам сучаснасці ёсць аднаўленне, рамонт і будаўніцтва новых аб'ектаў у агульнай стылістыцы паселішча. А не стварэнне будынкаў, якія ўступаюць у дысананс з наваколлем.