Падтрымайма кампанію Еўрапарламенту па зніжэнні коштаў Шэнгенскіх віз для беларусаў!

“Офіс за Дэмакратычную Беларусь” у Бруселі звяртаецца да беларускай грамадзкасці з прапановай падтрымаць кампанію, распачатую ў Еўрапейскім Парламенце трыма прадстаўнікамі гэтай структуры—Генавефай Грабоўскай (Польшча), Юстасам Палецкісам (Летува) і Ханэсам Свобадам (Аўстрыя). Кампанія накіраваная на зніжэнне коштаў Шэнгенскіх віз для грамадзян Беларусі. Беларусь з’яўляецца адзінай краінай Усходняй Еўропы, што не мае спрошчанага візавага рэжыму з ЕЗ.

 “Офіс за Дэмакратычную Беларусь” у Бруселі запрашае ўзяць актыўны ўдзел ў прасоўванні кампаніі, ініцыяванай еўрапарламентарамі.

 “Офіс за Дэмакратычную Беларусь” у Бруселі мае накіроўваць лісты да прадстаўнікоў розных палітычных груп у ЕП з просьбай падпісаць дэкларацыю. З такой жа мэтай плануюцца акцыі падчас парламенцкіх сесій у Страсбуры.

Важнай умовай поспеху з’яўляецца моцны сігнал з Беларусі, як пацверджанне неабходнасці разгляду візавага пытання Еўразвязам і зніжэння верагоднасці далейшай ізаляцыі насельніцтва краіны. Таму далучайцеся да лабіравання праблемы!!

 Калі вы падтрымліваеце ініцыятыву па зборы подпісаў, калі ласка, дашліце паведамленне ад імя вашай арганізацыі з указаннем назвы групоўкі і прозвішчам кіраўніка на адрас:  [email protected]. Ваш голас будзе перададзены арганізатарам акцыі і падвысіць шанцы на атрыманне 392 подпісаў, патрэбных для таго, каб  дэкларацыя была дасланая на разгляд ў Раду Еўразвязу.

Вольга Стужынская

“Офіс за Дэмакратычную Беларусь”, Брусель