Усталюем помнік Рыгору Барадуліну супольнымі намаганнямі

На папярэдні заклік падтрымаць гэты ганаровы чын адгукнулася вялікая колькасць нашых суграмадзян і беларусаў замежжа. Сабранай на сёння сумы ахвяраванняў хапіла, каб набыць частку матэрыялаў і распачаць вытворчасць помніка. У супрацоўніцтве з Ушацкім райвыканкамам быў вызначаны аб’ём неабходных падрыхтоўчых работ, якія бяруць на сябе раённыя ўлады. Згодна з зацверджанымі тэрмінамі, мантаж помніка плануецца завяршыць у жніўні-верасні 2015 года.

ГА "Саюз беларускіх пісьменнікаў" і ГМА "ЗБС "Бацькаўшчына" выказваюць падзяку ўсім, хто дапамагае, і заклікаюць яшчэ раз усіх неабыякавых людзей далучыцца да пачэснай справы па ўсталяванні помніка Рыгору Барадуліну!

Зрабіць гэта можна, пералічыўшы грошы на дабрачынны рахунак, адкрыты на імя яго ўнучкі:

ААТ "Беларусбанк", філіял 514, код 614, УНП 100420097,
код віду ўкладу 9004 (дамова дабрачыннага рахунка № 000039),
атрымальнік: Кліміна Дамініка Канстанцінаўна,
прызначэнне плацяжу: добраўпарадкаванне пахавання.

Ажыццявіць плацеж можна ў любым аддзяленні банка і таксама з дапамогай інфакіёскаў і інтэрнэт-банкінгу (выбраць "Плацяжы" - "Адвольныя плацяжы" - "Плацеж па рэквізітах" - нумар транзітнага рахунка: 3819382102369).