Як працуе сетка маніторынгу парушэнняў акадэмічных правоў і свабод?

Маніторынг парушэнняў акадэмічных правоў і свабод ажыццяўляецца з мэтай атрымання актуальнай інфармацыі аб сітуацыі з акадэмічнымі свабодамі ў ВНУ Беларусі. У кожным горадзе Беларусі, дзе знаходзяцца ВНУ, плануецца стварыць абсерваторыі, якія будуць складацца з студэнтаў і выкладчыкаў, якія будуць ажыццяўляць маніторынг выканання акадэмічных правоў і свабод у сваім ВНУ. Сутнасць маніторынгу заключаецца ва ўдасканаленні выпадкаў парушэнняў акадэмічных правоў і свабод.

Да ўдзелу ў маніторынгу запрашаюцца ўсе студэнты ВНУ Беларусі, якія зацікаўлены ў станаўленні аўтаномных беларускіх універсітэтаў, свабодных ад парушэнняў акадэмічных, грамадзянскіх і іншых правоў і свабод, універсітэтаў, якія паважаюць і падзяляюць еўрапейскія акадэмічныя каштоўнасці.

Прэзентацыя сеткі маніторынгу парушэнняў акадэмічных правоў і свабод адбудзецца 2 лістапада 2014 года ў Мінску. Час правядзення: 13.00-16.00.

На мерапрыемстве вы даведаецеся:

• што такое маніторынг і для чаго ён праводзіцца;
• як арганізаваць маніторынг на нацыянальным узроўне;
• пра вынікі маніторынгу за першае паўгоддзе 2014 года;
• як запаўняць анкеты індывідуальных парушэнняў і апытанак па ўніверсітэту.

Для таго каб прыняць удзел у мерапрыемстве, неабходна запоўніць невялікую заяўку да 23.59 31 кастрычніка 2014 года. Таксама ўсе пытанні пра маніторынг ці мерапрыемства можна накіроўваць на адрас электроннай пошты: [email protected].

Удзельнікам маніторынгу гарантуюцца канфідэнцыяльнасць і захаванасць персанальнай інфармацыі. Любая інфармацыя аб удзельніках будзе выкарыстоўвацца толькі для камунікацыі з арганізатарамі маніторынгу і не будзе перадавацца трэцім асобам.

Даведка:

Маніторынг парушэнняў акадэмічных правоў і свабод арганізаваны Грамадскім Балонскім камітэтам у партнёрстве з МПГ "Студэцкая Рада" і Міжнародным кансорцыумам "ЕўраБеларусь".