Запрашаем на Агра-культурны фэст!

Мерапрыемства адбудзецца 30 жніўня 2014 года, як заўжды, на пляцоўцы Галерэі "Ў" (Мінск, прасп. Незалежнасці, 37а).

У праграме - закрыццё выставы "Мутуалістычныя стасункі", цікавыя прэзентацыі, майстар-класы, канцэрт, дэгустацыі і арганічныя прадукты ад беларускіх фермераў.

Удзел ва ўсіх імпрэзах і дэгустацыях ды ўваход на выставу - вольны!

Праграма фэста:

• 12.00 Адкрыццё Агра-культурнага фэста. Прэс-канферэнцыя і фуршэт-дэгустацыя арганічных прадуктаў. Знаёмства з фермерамі.

Бліц-маркет беларускіх арганічных фермераў (ля будынка галерэі). Якасныя свежыя прадукты па спецыяльных зніжаных коштах!

• 13.00 Андрэй Пахоменка. "Вада - аснова жыцця. Практычныя парады пра якасць вады". Для кожнага, хто хоча піць чыстую ваду.
• 14.00 Вольга Шчыглінская. "Планаванне і арганізацыя ўстойлівай арганічнай мінігаспадаркі". Прэзентацыя дэманстрацыйнага ўстойлівага ўчастка. Для ўладальнікаў прысядзібных гаспадарак і лецішч і тых, хто марыць аб сваім кавалку зямлі.
• 15.00 Экскурсія па мастацкай выставе "Мутуалістычныя стасункі" з куратарам Наталляй Гарачай.
• 16.00 Дыскусія "Экалагічнае мастацтва".
• 17.30 Закрыцце выставы і фэста. Дэгустацыя беларускіх арганічных прадуктаў.
• 18.00 Канцэртная праграма.

Шчыра запрашаем!

Больш падрабязнасцей глядзіце тут: http://www.agracultura.org.