Публічныя лекцыі "Urbi et Orbi": Таццяна Шчытцова

Міжнародны кансорцыюм "ЕўраБеларусь" з'яўляецца суарганізатарам лекцыі.

ЦЫКЛ ПУБЛІЧНЫХ ЛЕКЦЫЙ "URBI ET ORBI"

Таццяна Шчытцова

"ЭКЗІСТЭНЦЫЯ Ў СІСТЭМЕ КААРДЫНАТ МАДЭРНУ:
ДА 200-ГОДДЗЯ АД НАРАДЖЭННЯ СЁРЭНА КІРКЕГОРА"

  12 снежня ў 18.30

Галерэя "Ў"
(г. Мінск, прасп. Незалежнасці, 37а)

Кіркегора небеспадстаўна звязваюць з такім, некалі вельмі папулярным накірункам, як экзістэнцыялізм. Разам з тым хрэстаматыйная класіфікацыя вялікага дацкага мысляра як пачынальніка экзістэнцыялізму глыбока памылковая. Кіркегор сапраўды надаў слову "экзістэнцыя" новы канцэптуальны статус, аднак круг ідэй, звязаных з гэтым паняццем, мае больш універсальныя прэтэнзіі на значнасць, чым "джэнтэльменскі набор" экзістэнцыяліста. У 1962 годзе Нільс Тульструп (адзін з вядучых даследчыкаў творчасці Кіркегора таго часу), усведамляючы прынцыповую немагчымасць упісаць вялікага датчаніна да якіх бы там ні было школ або кірункаў, вызначыў яго як "the Complex of problems called Kierkegaard". Гэты "комплекс" цікавы не толькі з гістарычнага боку.

12 снежня 2013 года ў цыкле лекцый "Urbi et Orbi", якія Лятучы ўніверсітэт ладзіць пры падтрымцы Міжнароднага кансорцыума "ЕўраБеларусь", прафесар філасофіі Таццяна Шчытцова разважае пра сучаснасць ідэй вядомага дацкага філосафа Сёрэна Кіркегора. У аснове лекцыі ляжыць перакананне ў тым , што кола ідэй, праз якія Кіркегор артыкулюе сваё бачанне экзістэнцыі, схоплівае і пэўным чынам структуруе ключавыя праблемы ў самаразуменні мадэрнага суб’екта, актуальныя і сёння.

Лекцыя Таццяны Шчытцовай "Экзістэнцыя ў сістэме каардынат мадэрну: да 200-годдзя ад нараджэння Сёрэна Кікегора" адбудзецца 12 снежня 2013 года ў Галерэі "Ў" (Мінск, прасп. Незалежнасці, 37а). Пачатак у 18.30 у . Уваход вольны!

Азнаёмцеся таксама, калі ласка, з інтэрв’ю, якое Таццяна Шчытцова дала напярэдадні лекцыі.

UPD.: Відэазапіс публічнай лекцыі: