Сустрэчу з выбарцамі зладзіў Мікола Статкевіч у Мінску

Личности

Сёння былы палітвязень Мікола Статкевіч зладзіў сустрэчу выбарцаў на плошчы Свабоды, паведамляе "Радыё Свабода".

Экс-кандыдат у прэзідэнты запрашаў на сустрэчу і Аляксандра Лукашэнку, папярэдне пералічыўшы пяць вострых пытанняў, адказы на якія беларусы хацелі б атрымаць ад кіраўніка дзяржавы.

На сустрэчу сабралася каля 500 чалавек пад беларускімі і еўрапейскімі сцягамі. 

А пачатку 18-й гадзіны "Статкевіч узяў мегафон ды гаворыць розныя штукі пра Лукашэнку. Нехарошыя. Людзі крычаць Жыве Беларусь", - перадае з месца падзеяў карэспандэнт "Еўрарадыё".

Пасля слова ўзяў Анатоль Лябедзька.

"Лябедзька кажа, каб не хадзілі на выбары.  Сабралася чалавек 300. Някляеў прыдумаў прыходзіць на участак і сядзець у кабінках ды не выходзіць. Хітрэц", - дадае карэспандэнт.

Потым "прыйшоў чалавек і крычыць што трэба ісці на Плошчу, а не слухаць Лябедзьку. Прыйшоў  міліцыянер. Людзі яму не радыя і крычаць "ганьба". Потым прамаўляў Вячаслаў Сіўчык. Затым Статкевіч запрасіў людзей прыходзіць наступны раз 4 кастрычніка ў нядзелю ў 18.00 на мітынг супраць іншаземных вайсковых баз.

Пасля гэтага прыйшоў лейтэнант міліцыі, які складаў пратакол на Лябедзьку і Някляева каля ГУМа. 

У 18.43 мітынг скончыўся. Апазицыйныя палітыкі раздалі аўтографы. Статкевіч заклікаў народ прыходзіць на мітынг на плошчу Свабоды за справядлівыя выбары 10 кастрычніка а 17 гадзіне, за дзень да выбараў.

Нагадаем, што старшыня ЦВК Лідзія Ярмошына дала прагноз датычна наступстваў сённяшняй акцыі Мікалая Статкевіча ў Мінску на плошчы Свабоды. 

"Канешне, для міжнароднага фону, які важны для выбарчай кампаніі, гэта будзе дрэнна - гэта будзе негатыў, - заявіла яна. - Шмат залежыць ад наступстваў саміх выбараў, ад атмасферы… Гэта ўсё назапашваецца. Але гэта (перашкоды правядзенню ці разгон акцыі Статкевіча) будзе не галоўным для прызнання ці непрызнання выбараў, таму хай ён сабе не прыпісвае нейкай выбітнасці. Але так - будзе адным з фактарам, што будзе ўлічаны".