17 снежня ў Мінску — сустрэча з Адамам Міхнікам "[Не]свая краіна"

Адам Міхнік — адзін з выбітных дзеячоў эпохі злому камуністычнай сістэмы Польшы, чые пазіцыя і дзеянні і сёння не страцілі ні актыўнасці, ні ўстаноўкі нон-канфармізму — наведае Мінск у межах фестывалю дакументальных фільмаў пра правы чалавека WATCH DOCS Belarus 2018. Ён з’яўляецца галоўным героем аднаго з фільмаў фестывалю. Заснавальнік "Gazety Wyborczej", якая на працягу амаль 30 год застаецца адным з галоўных польскіх медыя, сп. Міхнік па-ранейшаму "патрабуе немагчымага", рухаецца супраць плыні і адстойвае свае ідэалы і каштоўнасці.

17 снежня, у панядзелак, Адам Міхнік выступіць перад мінскай публікай, разважаючы пра ўстаноўкі, лад жыцця і дзеянні грамадзяніна, які вымушаны жыць ва ўмовах (не)сваёй краіны. Пасля злому таталітарных рэжымаў панятак "дысыдэнт" павінен быў сысці з гістарычнай і палітычнай сцэны. Але беларуская рэчаіснасць і "аўтарытарны рэванш" у некаторых еўрапейскіх краінах наноў ставяць пытанне аб магчымасці рэалізаваць свае каштоўнасці і ўстаноўкі ў межах легальнага грамадскага і палітычнага працэсу.

Межы кампрамісу і калабарацыі, дылема эміграцыі і патрыятызму, індывідуальныя стратэгіі і салідарныя дзеянні — асноўныя пытанні, што будуць абмеркаваныя ў выступе.

Сустрэча з Адамам Міхнікам "[Не]свая краіна" адбудзецца 17 снежня, у панядзелак, у Галерэі TUT.BY (Мінск, прасп. Дзяржынскага, 57). Пачатак у 19.00. Колькасць месцаў абмежаваная, таму для ўдзелу неабходна зарэгістравацца!

Сачыць за навінамі мерапрыемаства можна праз адмысловую старонку ў Фэйсбуку.

Паказ фільма "Міхнік: "Будзь реалістам, патрабуй немагчымага" адбудзецца 15 снежня, у суботу, у межах фестывалю дакументальных фільмаў пра правы чалавека WATCH DOCS Belarus’2018 у Культурным хабе "OK16" (Мінск, вул. Кастрычніцкая, 16). Пачатак у 19.00.

UPD.: Відэазапіс публічнай сустрэчы: