31 траўня ў Мінску — публічная дыскусія "Горад будучыні: лепшы сцэнар"

У абмеркаваннях будучыні беларускіх гарадоў фокус часта ссоўваецца ў бок негатыўных прагнозаў. Ужо цяпер мы сутыкаемся з выклікамі, да якіх не рыхтуюць маладых прафесіяналаў і ўжо тым больш прадстаўнікоў гарадскіх адміністрацый.

Ці можна ствараць гнуткія сістэмы на аснове цэнтралізаваных і вертыкальных мадэлей кіравання гарадамі? Якія меры неабходна прыняць для ажыўлення культурнага, сацыяльнага і эканамічнага жыцця беларускіх гарадоў? Які ўнёсак прафесійная супольнасць можа ўнесці ў фармаванне лепшага сцэнару?

31 траўня, у аўторак, Лятучы ўніверсітэт і Цэнтр еўрапейскай трансфармацыі ў межах цыкла "Уяўляючы Беларусь: ідэі і вобразы для супольнай будучыні" запрашаюць на публічную дыскусію "Горад будучыні: лепшы сцэнар", якая пройдзе ў прасторы "ЦЭХ" (Мінск, вул. Кастрычніцкая, 16). Пачатак у 18.30. Уваход вольны!

Акцэнты дыскусіі:

• Тэорыя малых спраў. Ці можа кожны з нас нешта змяніць?
• Супрацоўніцтва. Як спецыялісты з розных дысцыплін працуюць разам над гарадскімі праектамі?
• Гарадское асяроддзе. Што можа зрабіць яго яшчэ лепш тут і цяпер?
• Інфармацыйная прастора: Мінск vs Беларусь.
• Праекты ў сталіцы і праекты ў рэгіёнах. Розніца ў падыходах.

Удзельнікі:

• Іван Шчадранок, дырэктар фонду "Інтэракцыя";
• Надзея Ількевіч, прадзюсар шоу "Горад";
• Дзмітрый Бібікаў, Мінская ўрбаністычная платформа;
• Іван Краўцоў, "Бюро 35";
• Сяргей Сахараў, галоўны рэдактар СityDog.by.

Ініцыятар і вядоўца дыскусіі — сацыёлаг і урбаніст Ганна Пазняк.

У межах цыкла публічных лекцый "Уяўляючы Беларусь" адбыліся публічныя лекцыі:

• Уладзіміра Мацкевіча: "Будучыня Беларусі: прагнозы, праекты, мары і фантазіі";
• Ніны Даніленкі: "Прагрэс генетыкі: новыя шляхі да здароўя і новыя праблемы этыкі";
• Уладзіміра Батаева: "Новыя кропкі адліку і перспектыўныя сцэнары развіцця будучыні";
• Сяргея Сахарава: "Плюс-мінус дваццаць гадоў: што адбываецца з медыя сёння і чым гэта адгукнецца заўтра?";
• Паўла Данейкі: "Выклікі будучыні: назад да сярэднявечча".

UPD.: Відэазапіс дыскусіі: