15 траўня — навуковае падарожжа з цыкла "У пошуках трэцяе беларускае праўды" на Воранаўшчыну

Маршрут падарожжа:

Мінск — Воранава — Радунь — Беняконі — Забалацце — Жырмуны — Гародна — Канвелішкі — Пеляса — Мінск

Лектар — Сяргей Харэўскі.

З удзелам Русціса Камунтавічуса!

Тут супольна жывуць палякі, беларусы, літоўцы, цыгане.

Тут нарадзіліся выбітныя дзеячы, што ўславілі розныя народы.

Мы ўбачым сведчанні багацейшае гісторыі гэтага краю, што расцягнуўся ўздоўж літоўскае мяжы:

• касцёл Святога Яна Хрысціцеля ў мястэчку Беняконі, пабудаваны ў духу неабарока ўсяго 100 гадоў таму;
• старасвецкі парк пры былой сядзібе Тышкевічаў і касцёл у вёсцы Гародна;
• класіцыстычны касцёл Пятра і Паўла ў Забалаці, што быў пабудаваны яшчэ да прышэсця Напалеона;
• драўляныя касцёлы з розны эпох — Адшукання Святога Крыжа (1789) у Жырмунах і Найсвяцейшага Сэрца Езуса ў Канвелішках;
• шыкоўны наагатычны касцёл Беззаганага Пачацця Найсвяцейшай Панны Марыі ў Начы, што пры самай мяжы з Літвою.

Мы пабачым, чым жыве літоўскае мястэчка Пеляса, дзе беларускія літоўцы маюць уласны касцёл, культурны цэнтр, школу і помнік князю Вітаўту.

Пабачым Радунь: вялізарны касцёл Маці Божай Ружанцовой, мястэчковую класічную пабудову з колішнімі крамкамі, сінагогаю ды ешываю, славутыя габрэйскія могілкі.

Дабрачынны ўнёсак — 390 тыс. бел. руб.

Усіх, хто зацікавіўся нашым навуковым падарожжам, просім паведаміць па нумары тэлефона: (+375 29) 1802838 (Святлана) ці па адрасе электроннай пошты: [email protected].

Да сустрэчы 15 траўня 2016 года а 7-й раніцы!