26 сакавіка — першая вясновая "Жывая бібліятэка" будзе чакаць вас у кнігарні "Галіяфы"

"Жывая бібліятэка" — гэта метад разбурэння стэрэатыпаў і крыніца сумленных адказаў на хвалюючыя пытанні. Гэта менавіта тое месца, дзе ва ўтульнай абстаноўцы за кубкам гарбаты можна паразмаўляць з цікавымі людзьмі, адкрыць для сябе новае і, часам, нават атрымаць слушную параду. 

У "Жывой бібліятэцы" людзі са сваімі гісторыямі становяцца "кнігамі" для таго, каб адказаць на вашыя пытанні. "Кніга" — гэта чалавек, які належыць да нейкай стыгматызаванай сацыяльнай групы, мае асаблівы светапогляд, унікальную прафесію, належыць да спецыфічнай субкультуры ці мае веравызванне, нязвыклае для большасці з нас. Агулам вельмі падобна на сапраўдную бібліятэку: вы прыходзіце, атрымліваеце картку чытача, запісваецеся ў бібліятэкара да "кніжкі", якую хочаце пачытаць, і пачынаеце "чытанне", калі надыходзіць час сесіі.
Можа быць надвор’е яшчэ і не зусім грэе, але з намі вы дакладна адчуеце цеплыню шчырых размоў.

Такім чынам, чакаем вас 26 сакавіка, у 13.00-17.00, у кнігарні "Галіяфы" (Мінск, вул. Старавіленская, 6; ст. м. "Няміга", Траецкае прадмесце).

"Жывую бібліятэку" арганізуе МПГ "Студэнцкая Рада" сумесна з гарамдскім аб’яднаннем "Маладыя сацыял-дэмакраты — Маладая Грамада" і праходзіць яна ў фармаце міжнароднай метадалогіі Human Library.

Мы заўсёды рады новым людзям у камандзе! Калі вы:

• хочаце стаць валанцёрам на "Жывой бібліятэцы";
• дапамагчы з пошукам "кніг";
• часта сутыкаецеся са стэрэатыпамі адносна некаторых вашых асаблівасцяў і хочаце знайсці больш разумення сярод тых, хто побач з вамі.

Пішыце нам у асабістыя паведамленні у сацыяльных сетках або на адрас электроннай пошты: [email protected].

Сачыце за навінамі у нашых суполках ва Укантакце і Фэйсбуку, і ўжо зусім скора мы раскрыем таямніцу таго, якія "кнігі" адкрыюцца для вас гэтым разам.